Sobre el Festival Internacional de la Gaita de Villaviciosa
¡18 ediciones ya! ¿Cómo ha evolucionado el Festival Internacional de la Gaita de Villaviciosa desde sus inicios? ¿Qué hace especial a esta edición de 2025?
Sin dulda, si hai daqué que fae esti añu especial, aunque puntual, ye la confluencia col día d’Asturies, qu’amás de ser Villaviciosa ún de los conceyos onde’l Principáu va desendolcar los actos oficiales, el FIG va incluyíu dientro la programación, dándomos más repercusión que nengún añu, cosa qu’esperamos saca- y provechu, dándomos a conocer ellí onde nun llegábemos. Pero al marxe d’esto, pa nosotros personalmente, quiciabes lo más importante d’esti añu y qu’esperemos se caltenga nel tiempu, ye’l nivel d’implicación algamáu col pueblu maliayu, la xente entrúganos pela cai cuantu falta pa les gaites y yá quier saber el programa con antelación, ¡Tan faciendose espertos delFolk!, recuperamos la nueche de jamm session polos bares de La Villa, la campaña de voluntarios crez más cada añu, los llagareros, la hosteleria, o acosevi, vuélquense, cola ya famosa cestona de productos que mos donen pa rifar, como cola campaña de tiendes na cai, y les iniciatives nes que s’impliquen cada vez que-yos picamos a la puerta, faenmos sentir que’l festival ye de toes y tóos. Pa nós, llegar a esi puntu d’aceptación ye un arguyu.
¿Qué países o regiones participan y qué aportan al FIG 2025?
Asturies, Galicia, Euskadi, Zamora, Irlanda y Escocia.
¿Qué tipo de actividades pueden disfrutar los visitantes además de los conciertos?
La nuesa ufierta cultural nun se cierra solo a la música, la másima del festival ye ser un escenariu, un faru cultural, al que se pueda subir cualquier tipu d’espresión cultural que tenga que ver col mundu delnuesu instrumentu totem y seña d’identidá: La Gaita, por eso tenemos, concursu de gaita asturiana, una esposición so la cultura asturiana altravés del traxe tradicional y los complementos d’esti, mercáu artesanu, l’únicu alcuentru de constructores d’instrumentos tradicionales d’Asturies, festival de bandes de gaites, varies charres y clases maxistrales como la que mos va dar Malin Lewis (ún de los masimos esponetes de la ulliean pipe), nueche en danza, clases didáutiques enfocaes a neñes y neños, y un llargu etc… que van llenar La Villa de cultura estos 4 díis.
¿Cuál diríais que es el momento más emotivo o simbólico que suele vivirse cada año?
Personalmente pa min hai dos, la nueche en danza del vienres, porque como asturianu respígame ver una xuntanza de más de mil persones, baillando baille tradicional, n’esta epoca que paez que lo nuevo y lo efímero s’entemecen, elconsiguir manter tan vivu’l baille tradicional, respiga. Y la llegada de les bandes de gaites nel alcuentru, cuando entra la Banda Gaites Villaviciosa “El gaitero” na carpa lleno de xente, altravés de les banderes del conceyu y los banderines de Sidra El Gaitero, con tola xente glayando pola so banda llariega… tengo que confesar qu’aunque te tocando la gaita, más d’una vez m’empapiello.
Cultura, tradición y comunidad
¿Cómo contribuye este festival a mantener viva la música tradicional entre los más jóvenes?
Averándola, lo primero. El tener un espaciu como’l festival onde poder traer tou tipu d’espresión dientro de la música tradicional, y coneutándolo colo que pasa n’ otres rexones d’europa, nun solo l’avera a la xente, si non qu’amuesa que ye daqué vivo, que nun ye estático y que tien futuru y posibilidaes. La mocedá o la xente enxeneral nun pué saber que dauqé esiste o ye posible si nun lo ve.
Y llueu aunque caiga en redundancia, conseguir xuntar tanta xente, creando un espaciu lúdicu y cultural onde ye posible la folixa y la gayola, alrodiu de la tradición, nuna época de los bom-festivales, amuesa que la música tradicional ye daqué tan rentable y viable como cualquier otru tipu de festival o música.
¿Cómo ha respondido el pueblo de Villaviciosa y los asturianos durante todos estos años al festival?
D’una manera increiblemente buena, como digo cada añu que pasa sentimos más como la xente s’involucra y quier contribuyir nel festival, en La Villa sientes un arguyu por parte de los maliayos y maliayes de tener el FIG, ye un eventu que n’estos tiempos d’estremismos, consigue poner dealcuerdu a tola xente del conceyu, independientemente de como peine’l pelu, nun hai una institución, un sector, o un coleutivu maliayu, pol que nun mossintamos apoyaos, algo asina que consigue’l lealtad y pocu más, pa nós ye mui importante, por que ye’l nuesu pagu, ya que’l festival ye sin ánimu de llucru. La xente ta faciendolu suyu, participando, involucrándose cada vegada más, apoyándolu y amosando que somos un pueblu arguyosu de lo suyo ónde divertise a “la asturiana” ye posible… mui posible, y nun entra en conflictu cola nuesa realidá intercultural y globalizada.
Visión personal y anécdotas
Si tuvieras que definir este festival en 1 palabra, ¿cuál sería y por qué?
Futuru. Porque realmente creo y espero que tenga munchu futuru, daqué que caltién la nuesa
cultura y tien una acoyida tan buena.
Mensaje final
¿Qué le dirías a alguien que nunca ha venido y está dudando si pasarse este año por Villaviciosa?
¡Que venga! ¡Que solu falta el!, por que equí tenemos el restu de coses que necesita o espera, tantu culturales como pa pasalo bien, y que eche un güeyu al programa d’esti añu, que ta claro que nun lu miró, si non…. Nun taría duldando ajaja